لحظة قبل ماترحلين ويمتلـي قلبـي عـذاب
لحظه تراني ماارتويت ولا خفت شوقي العظيم
يا أول غرامي بالحياه وانا على زهو الشبـاب
ياحلم عمري والامل الآن والماضـي القديـم
حتى وعيني كم تشوف مبرقعات وفـي نقـاب
لكنهن مثل الحلوم إن جات في الليـل البهيـم
الحب لول ثابت كالشامخـات مـن الهضـاب
لا حركه قـوة زوابعهـا ولا لطـف النسيـم
وأنا مع الوافين وافـي كـل مـازاد الغيـاب
ازداد شوق وحسرة وابقي على عهدي مقيـم
رجل بلا مبدأ وصدق تقول عنه الناس خـاب
لابارك الله في المنافـق والمخـادع واللئيـم
يابنت انا من لابة فيها الوفـاء مثـل الثيـاب
يكسي فعايلها وتدرى جارهـا لوهـو غريـم
تطمني ماانتي على عشق الوهم ولا السـراب
ولا مع رجلٍ حديـث التجربـة تـوه غشيـم
ياماخذيت مـن الحيـاة أفراحهـا والاكتئـاب
وياما تصافحني بكف البخل والكـف الكريـم
وياما درست بمدرستها مامعي حتى الكتـا ب
وماهزني احزانها ولاهزنـي صـوتٍ رخيـم
إذا تعالي من يقول الجرح من فرقـاك طـاب
إلا تزيد بي الجـروح ولابقـى شـيء سليـم
ياكود رجلٍ تنقـل الخفـاق ويزيـد التهـاب
لانك اغلى من سكـن قلبـي وخلانـي اهيـم
لاتحسبين انك سكنتي بس في حـي الضبـاب
لا والله إلاّ ابين ظلعاني وفي وسـط الصميـم
لحظة قبل ماترحلين ويمتلـي قلبـي عـذاب
لحظه تراني ماارتويت ولا خفت شوقي العظيم
الثلاثاء مارس 18, 2008 11:07 pm
